9 ივლისს ტაილანდში Toyota Corolla Cross-ის მსოფლიო პრემიერა გაიმართა.
Corolla-ს სერიის ისტორია იაპონიაში1966 წელს იწყება და მას შემდეგ ბრენდის ყველაზე მოთხოვნადი ავტომობილია და დაახლოებით 50 მილიონს აღწევს მისი გაყიდვებს რაოდენობა.
Corolla-ს ხაზი ყოველთვის იყო მომხმარებელზე და განვითარებაზე ორიენტირებული, SUV-ებისადმი მსოფლიოში გაზრდილი ინტერესის გამო Corolla-მ თავისი ხაზის გაფართოება გადაწყვიტა და პირველად ისტორიაში SUV-ის სახით მოგვევლინება.
Corolla Cross შექმნილია TNGA-ს პლატფორმა GA-C ბაზაზე, რომლის მეშვეობით ავტომობილს აქვს დახვეწილი პერფომანსი, მართვის შესაძელებლობები და კომფორტი, რომელსაც ავტომობილში ჩაჯდომა/გადმოსვლის დროსაც კი იგძნობთ. ახალი პლატფორმის მეშვეობით Corolla Cross-ს აქვს მოცულობითი საბარგო განყოფილებაც.
"ახლა, როდესაც Cross Corolla-ს სერიის წევრია დიდი იმედი და სურვილი გვაქვს რომ ის უამრავი ოჯახის განუყრელი ნაწილი გახდება. ჩვენი მიზანია Corolla Cross-მა გაუწიოს ყველა მფლობელს იდეალური მეგზურობა ყველა თავგადასავალში" Daizo Kameyama - განვითარების განხრით მთავარი ინჟინერი.
Toyota Corolla Cross ტაილანდში წარმოდგენილი იქნება, როგორც ჰიბრიდული, ასევე მხოლოდ ბენზინის ძრავით.
ჰიბრიდული ვერსია საშუალოდ 4.3 ლიტრ ბენზინს მოიხმარს 100კმ-ზე, ხოლო მხოლოდ ბენზინის ძრავი 6.5 ლიტრს.
